Apple жаҳоннинг энг қиммат брендлари рўйхатида Coca-Cola’дан ўзиб кетди

Apple жаҳоннинг энг қиммат брендлари рўйхатида Coca-Cola’дан ўзиб кетди

Apple компанияси жаҳоннинг энг қиммат брендига айланди. The New York Times’нинг жаҳон брендлари рейтингини тузган Interbrand компанияси ҳисоботига асосланиб хабар беришича, Apple рўйхатнинг доимий етакчиси – Coca-Cola’дан ўзиб кетишга муваффақ бўлган. Сўнгги 13 йилдан бери жаҳоннинг энг қиммат юзта бренди рўйхатида пешқадамлик қилиб келган Coca-Cola

бу йил учинчи ўринга тушиб кетди. Иккинчи ўринни тўртинчи ўриндан юқорилаган Google корпорацияси эгаллаган. Interbrand экспертлари ҳисоб-китобларига кўра, Apple’нинг баҳоси 98,3 миллиард долларга тенг бўлиб, бу ўтган йилгидан 28 фоизга қимматроқ. Interbrand директори Жез Фрамптоннинг сўзларига кўра, Apple’нинг биринчи ўринга чиқиши фақат олдиндан маълум эди.

Умуман, энг қиммат брендлари ўнталигидан бешта технологик компания ўрин олган бўлиб, улар орасида Apple ва Google’дан ташқари, Samsung, Microsoft ва Intel ҳам бор. Ўтган йили 93-ўринни эгаллаган BlackBerry бу йилги юзталикдан чиқиб кетган. Энг кучли «муваффақиятсизлик» Nokia’да кузатилган бўлиб, компания 19-ўриндан 57-ўринга тушиб кетган.

Omnicom гуруҳига тегишли Interbrand компанияси 2000 йилдан бери жаҳоннинг энг қиммат брендлари рўйхатини тузиб келади.