Паролингизни унутдингизми?
Login
Left, Right, Center Left, Center, Right Center, Left, Right



YouTube ўз логотипини янгилади

YouTube ўз логотипини янгилади

YouTube видеохостинги янги логотипни тақдим этди. Сурат YouTube’нинг Facebook ва Twitter’даги расмий саҳифаларида пайдо бўлган. Бу ҳақда The Verge хабар бермоқда. Янги логотип биринчи марта YouTube’нинг iOS ва Android платформалари учун мўлжалланган илова-дастурларида, шунингдек, бир қатор браузерларда веб-сайт белгисида (favicon) пайдо бўлганди. Айни вақтда, сайтнинг ўзида ҳали ҳам эски логотип турибди ва янги фирма белгисига тўла ўтиш муддати ҳозирча ошкор этилмаяпти.

 

YouTube 2006 йилда ишга тушган бўлса, унинг логотипи фақат бир марта ўзгарган бўлиб, шунда ҳам жиддий ишлов берилмаган: 2011 йили фирма белгисидаги градиент ранглари ўзгартирилган эди.

Бироқ, аслида логотип ўзгаришсиз қолган: YouTube ёзувидаги Tube сўзи, экранни эслатувчи кўпик ичига жойлаштирилган эди. Натижада, ушбу йўналишни бошқа видеохостинглар ҳам ўзлаштиришди. Логотипнинг янги вариантида хизмат номидан фирма белгисининг бир қисми сифатида фойдаланиш ғоясидан воз кечилди: энди YouTube’ни ичига «ижро этиш» («play») тугмаси қўйилган битта «кўпик» орқали таниш мумкин. Manba: www.kun.uz

Share