2015 йилга бориб нетбуклар йўқолади

20.04.2013

2015 йилга бориб нетбуклар йўқолади

Бир неча йил аввал тақдим этилган Atom процессорли ихчам, узоқ вақт электр қувватисиз ишлай оладиган ва нархи ҳам анча арзон бўлган ноутбуклар ривожланган давлатларнинг бозорларида жуда тез оммалашди (гарчи бошида энг аввало ривожланаётган давлатлар учун мўлжалланган бўлса ҳам). IHS iSuppi тахминларига кўра, шундай нетбуклар ўша пайтда қулай қурилма бўлган, бироқ 2010 йилда iPad чиққандан сўнг “йўқолиш”га маҳкум бўлди.

Таҳлилчиларнинг маълумотларига қараганда, бу йили атиги 3,97 миллион нетбук сотилган, яъни 2012 йилдагига нисбатан 72 фоиз камроқ. Ваҳоланки, 2010 йилда 32,14 миллион дона нетбук сотилган эди. Таҳлил компаниясининг фикрича, 2014 йилда бутун дунёга яна 264 минг нетбук тарқатилади, 2015 йилда эса биронта ҳам нетбук бозорга чиқмайди. “Нетбуклар арзонлиги учун жуда тез оммалашиб кетган эди, — дейилади ҳисоботда. — Бироқ 2010 йилда iPadнинг чиқиши нетбукларнинг бозорини касод қилди”.